...and she was saying...

Það er alveg merkilegt að skrifa aldrei nema seint á kvöldin. Ég svo syfjuð núna, var reyndar nærri sofnuð yfir sjónvarpinu um sjöleytið en vaknaði síðan aftur. Ég fór og keypti dragtina mína í dag og hún er guðdómleg. Svoldið dýr en guðdómlega flott. Og svo þurfti ég náttúrlega að sjá skó í búðinni sem eru líka rándýrir en meiri háttar æðislegir. Ég hugsa um þá í viku og fer svo ábyggilega og kaupi þá. Ég er náttúrlega biluð. En ef ég á ekki skilið að kaupa þetta fyrir útburðarpeningana mína þá veit ég ekki hvað. Ástæðulaust að druslast og bera út á hverjum morgni og fá svo ekkert í staðinn nema hreyfinguna. Maður verður að fá eitthvað til að hreyfa sig í. Það finnst mér. En ég ætla að fara upp í rúm núna að sofa áður en ég verð ruglaðri en ég er núna...