...and she was saying...

Ég er með flensu og ég þoli það ekki. Nenni ekki að vera veik. Verð yfirleitt aldrei veik og nú ét ég tylonol í massavís til að losna við beinverki og slen. Þarf að skreppa upp í marg smátt og ná í svunturnar. Veit ekki alveg hvar á að koma öllum þessum svuntum fyrir en það hlýtur að vera hægt að koma þeim fyrir einhvers staðar.
Ætla að sleppa Ólafsvíkurferð með Gospelsystrum á laugardaginn. Mikið og merkilegt að gera á föstudaginn og ætla að eyða laugardeginum öðru vísi og kannski reyna að druslast til að syngja með Léttsveitinni hjá Oddfellowum. Held að ég taki mér frí fram yfir áramót hjá Gospel og sé svo til eftir áramótin hvort ég held áfram.
Hlakka til að byrja á ítölskunámskeiði næsta mánudag. Kominn tími til að læra eitthvað nýtt tungumál og ætli maður þurfi svo ekki líka að reyna að rifja aðeins upp þýskuna ef ég heimsæki Maríu til Þýskalands. Ég var nú svo sem aldrei sleip í þýsku en skil eitthvað pínupons en held að ég tali hana nú ekki.
Og svo fór ég á Grease í gær með alla fjölskylduna. Sá sýninguna með Selmu og Rúnari og hún var svona la la, en þessi sýning var algjör hörmung. Ærandi hávaði og leikurinn hreint út sagt hryllingur. Algjört veist of moný. En stelpunum fannst gaman, Tristani sæmilegt og þá er þetta kannski í lagi. En ég var svo sannarlega ekki hrifin og fer aldrei á Grease aftur hversu oft sem það verður sett upp. Mæli ekki með þessari sýningu við nokkurn mann.
En nú verð ég að setja á mig andlit og fara í föt og fara upp í margt smátt. Ég vona að heilsan fari að skána. Nenni ekki að vera svona...