fimmtudagur, október 23, 2003
Ég verð að taka mig saman í andlitinu og gera eitthvað af viti í dag. Nenni ekki að liggja svona í bælinu með flensu og sofa út í eitt. Þarf að gera ýmislegt í dag fyrir morgundaginn og ætla kannski að reyna að mæta á raddæfingu þó ég hnerri út í eitt. Þarf bara að komast út undir bert loft. Jóhanna komin í netsamband aftur en ekki farin að blogga ennþá. Og nú á að fara að æfa jólalögin á fullu. Mér finnst að fleiri Léttur ættu að fara að blogga. Þetta er svo auðvelt og voðalega skemmtilegt að lesa annarra manna blogg. Bara að fara inn á www.blogger.com skrá sig þar og byrja að bulla út í eitt.
Börnin eru öll að fara til tannsa í dag. Pabbi hringdi hér í gærkvöldi og vantaði John til að hjálpa sér að setja nagladekkin undir bílinn hjá sér. Hann hefur nákvæmlega engan tíma í það en ætlar þó að reyna að bjarga karlinum. Ég sagði honum að John hefði engan tíma en hann kom inn hjá mér samviskubiti yfir tímaleysi og ég þoli það ekki. Þau eru að fara norður í land eða eitthvað á laugardaginn og mamma vildi fá nagladekkin undir. Ráðlagði honum að fara með bílinn á dekkjaverkstæði en það er svo dýrt. Það er sem sagt ekkert dýrt að John taki sér frí í vinnunni til að hjálpa honum! Einhvern veginn held ég að John hljóti að vera með hærra tímakaup en menn á dekkjaverkstæði en pabbi hugsar ekkert út í það. Það á bara að hlaupa upp til handa og fóta af því að mömmu dettur það í hug að fá dekkin undir bílinn eigi síðar en núna. Auðvitað skil ég það svo sem ágætlega að þau vilji vera á nagladekkjum ef þau eru að fara norður en samt....
Vignir bróðir er náttúrlega upptekinn sem er ekkert skrítið. Hann er í fullri vinnu að fljúga og er svo í fullum skóla í Háskólanum í Reykjavík. Ég veit ekki hvernig hann fær þetta til að ganga upp en hann er ungur og hraustur og getur það sem hann vill. Oh, þessi fjölskylda manns getur stundum gert manni lífið leitt...
En nóg um röfl. Ég á von á því að John geri þetta fyrir tengdó þó hann megi alls ekki vera að því.
Nú ætla ég í sturtu og skola af mér veikindaslenið, fara út og bera inn svunturnar og gera ýmislegt annað. Á morgun föstudagurinn 24. október....
Börnin eru öll að fara til tannsa í dag. Pabbi hringdi hér í gærkvöldi og vantaði John til að hjálpa sér að setja nagladekkin undir bílinn hjá sér. Hann hefur nákvæmlega engan tíma í það en ætlar þó að reyna að bjarga karlinum. Ég sagði honum að John hefði engan tíma en hann kom inn hjá mér samviskubiti yfir tímaleysi og ég þoli það ekki. Þau eru að fara norður í land eða eitthvað á laugardaginn og mamma vildi fá nagladekkin undir. Ráðlagði honum að fara með bílinn á dekkjaverkstæði en það er svo dýrt. Það er sem sagt ekkert dýrt að John taki sér frí í vinnunni til að hjálpa honum! Einhvern veginn held ég að John hljóti að vera með hærra tímakaup en menn á dekkjaverkstæði en pabbi hugsar ekkert út í það. Það á bara að hlaupa upp til handa og fóta af því að mömmu dettur það í hug að fá dekkin undir bílinn eigi síðar en núna. Auðvitað skil ég það svo sem ágætlega að þau vilji vera á nagladekkjum ef þau eru að fara norður en samt....
Vignir bróðir er náttúrlega upptekinn sem er ekkert skrítið. Hann er í fullri vinnu að fljúga og er svo í fullum skóla í Háskólanum í Reykjavík. Ég veit ekki hvernig hann fær þetta til að ganga upp en hann er ungur og hraustur og getur það sem hann vill. Oh, þessi fjölskylda manns getur stundum gert manni lífið leitt...
En nóg um röfl. Ég á von á því að John geri þetta fyrir tengdó þó hann megi alls ekki vera að því.
Nú ætla ég í sturtu og skola af mér veikindaslenið, fara út og bera inn svunturnar og gera ýmislegt annað. Á morgun föstudagurinn 24. október....
Comments:
Skrifa ummæli
