...and she was saying...

Púff, ég er skárri í dag en í gær en samt ekki eins og ég á að mér að vera. Mætti ekki á kóræfingu í gær heldur lág hér í sófanum með hana Katrínu mína sem er með einhverja pest líka. Bílinn fullur af Léttsveitarsvuntum og ég nenni ekki að bera þá hér inn. Vonast til að koma þeim eitthvað annað í geymslu við fyrsta tækifæri. Held að Ingibjörg ætli að reyna að geyma þetta hjá sér en hún er líka með flensu. Margrét formaður nýkomin og á leiðinni til Kína á föstudaginn. En allt reddast þetta örugglega að lokum.
Er ekki enn búin að jafna mig á því hvað Grease var ömulegt. Alveg agalegt að eyða 18.900 kr. í svona handónýta sýningu. Hefði betur valið eitthvað annað leikrit til að fara á með alla fjölskylduna. En ég er nokkuð ákveðin í að sjá Dýrin í Hálsaskógi ef maður fær einhvern tímann miða. Það er ótrúlegt að enginn hafi skrifað um þessa Grease sýningu, hvað hún er algjörlega misheppnuð og alltaf er uppselt. Aumingja fólkið sem á eftir að fara á þessa hörmung.
Nú ætla ég að setjast niður í veikindum mínum og dekra aðeins við sjálfa mig. Setja á mig maska og lita á mér augabrúnirnar. Og sinna Katrínu sem virðist nú samt ágætlega hress, en er með hálsbólgu en losnar við beinverkina og hitann að mestu.
Svo ætlaði ég að svara Sigrúnu í kommentinu og kann svo ekkert að gera það. Þýðir lítið að vera að hvetja fólk til að tjá sig og vita svo ekkert hvernig þetta virkar sjálf. Asninn ég...