...and she was saying...

Klukkan rúmlega níu að morgni. Vakti lengi frameftir í gær, trúlega til fjögur eftir að hafa sofnað um sjöleytið og sofið af mér pictionary.
Fórum í vatnagarð í gær og allir skemmtu sér ágætlega, frítt í öll tæki og garðurinn skiptist í venjulegan skemmtigarð og svo vatnagarð, svoldið eins og garðurinn í danmörku sem ég man ekki hvað heitir. Fór í stærsta trérússibana sem ég hef farið í, elska þannig tæki. Vil heldur að þessir rússibanar líti út eins og þeir séu að detta í sundur, heldur en þessa nýtískulegu sem fara í alls konar viðbjóðslegar lúppur og veltandi á allar hliðar. Hafði svoldið á tilfinningunni þarna í garðinum að ég færi stödd á Íslandi, íslendingar eru nefnilega að verða eins og ameríkanar í laginu, spikið flæðir allsstaðar yfir buxnastrenginn og maginn vellandi. Reyndar eru kannski ekki allir íslendingar orðnir svona en það var auðveldara í þessum garði að telja þá mjóu en þá feitu, trúlega voru þeira ekki fleiri en fingurnir.
Í dag skín sól í heiði og eiginlega synd að eyða hálfu deginum innandyra þótt við séum á leiðinni í dekur. Stelpurnar að fara í fyrsta skipti og þær fá allt saman, andlitshreinsun, hand- og fótsnyrtingu og nudd. Byrja klukkan 10 og búnar kl. tvö. Svo er víst PLANIÐ að fara með ferju eitthvað....þoli ekki þegar planað er fyrir mig. Get ekki sagt að ég sé spennt fyrir því að fara með ferju eitthvað í 45 mín. Bjó á Skaganum þegar Boggann var og hét og fannst það með lengstu klukkutímum. En...ég lifi það trúlega af...vil fara til Kaliforníu um miðja þessa viku, þó ég sé nokkuð viss um að það er ekki á PLANINU...