...and she was saying...

Var víst í vinnunni síðast þegar ég skrifaði eitthvað. Var trufluð í miðjum klíðum. En ég er sem sagt komin í hundana. Fjölskyldan ákvað sem sagt að bæta við dýrahópinn og hr. Oliver eignaðist nýtt heimili tveimur dögum eftir heimsóknina hingað. Oliver er óttalega sætur, pissar og kúkar helst inni eins og hvolpa er von og vísa. Nikulás var nú ekki par sáttur fyrst en mér sýnist að hann líti nú á sig sem stóra bróður og er mjög virðulegur í framkomu við Oliver þó það sé stutt í eigingirnina þegar kemur að matarmálum og almennri athygli. Og krakkarnir reyna að standa við stóru orðin um að sjá um Oliver, þurrka upp pisseríð, með semingi þó.



Annars lítið að frétta nema góða veðrið er okkur Íslendinga lifandi að drepa. Og verslunarmannahelgin framundan. Og ég hlakka til að hitta Maríu, Arne og Daníel um helgina...

Og Birna systir farin að blogga...linkur inn á hana kominn hér til hliðar...